| Dienste | Click here for English |
Finansiële rekenmeesters
COMPUTUS bied die totale spektrum van professionele rekenmeestersdienste aan binne die standaarde en riglyne van SAIPA (South African Institute of Professional Accountants). Kortliks behels hierdie dienste die oprigting van beslote korporasies en trusts, die registrasie van entiteite vir Inkomstebelasting en BTW, die volledige maandelikse finansiële rekordhouding van ondernemings, die jaarlikse opstel van finansiële state, die indien van Inkomstebelasting- en BTW-opgawes, die verifikasie van belastingaanslae, die nakom van sekretariële pligte van beslote korporasies en maatskappye teenoor CIPRO (Companies and Intellectual property Registration Office) en die uitvoer van administratiewe verpligtinge van trusts.
COMPUTUS se beleid is ook om akkurate inligting tydig aan sy kliënte te voorsien. Rekordhouding word maandeliks op datum gebring terwyl die finansiële state binne vier maande na die sluitingsdatum van die finansiële jaar afgelewer word.
SAIPA is ‘n professionele ligaam met meer as 6 000 professionele rekenmeesters (studente en assosiate uitgesluit) in die praktyk, handel en nuwerheid, regering en akademie. Die meerderheid lede is in openbare praktyke en bied rekeningkundige en verwante dienste, oudits uitgesluit, aan die algemene publiek en die sakesektor, spesifiek dié wat as klein en medium sake-ondernemings kwalifiseer.
Lidmaatskappy aan SAIPA beteken plaaslike en internasionale erkenning vir professionele rekenmeesters, verseker dat hulle op hoogte bly met plaaslike en internasionale verwikkelings in die rekenmeestersprofessie en skep ‘n gereguleerde netwerk met ander professionele rekenmeesters.
SAIPA-lidmaatskap gaan gepaard met ‘n verskeidenheid produkte en dienste wat volgehoue opleiding insluit om lede se kennis, bevoegheid en vaardighede op datum te hou sodat hulle hul verantwoordelikhede binne plaaslike en internasionale regulatoriese raamwerke en standaarde kan uitvoer.
Forensies rekenmeesters
Kessler definieer forensiese rekenmeesterskap soos volg:
"Forensic and investigative accounting is the application of financial skills and an investigative mentality to unresolved issues, conducted within the context of the rules of evidence. As a discipline, it encompasses financial expertise, fraud knowledge, and a strong knowledge and understanding of business reality and the working of the legal system".
Op regsgebied het ons spesifieke kennis as kundigheidsgetuienes en dispute tussen boere en insetverskaffers.
Op landbougebied het ons spesifieke kennis van boedelbeplanning en erfopvolging, boerderybestuur, meganisasiebestuur, vertakkingsbegrotings, kontantvloeibegrotings, landbouekonomiese vergelykings en die interpretasie van finansiële state.
Op korporatiewe bestuursgebied het ons spesifieke kennis van bedrogvoorkoming, forensiese ondersoeke en risiko-ontledings.
Landbou-ekonomiese dienste
Die kern van COMPUTUS se landbou-ekonomiese dienste is die opstel van kontantvloeibegrotings en die samestelling van produksie-jaareindstate. Daarby word die boer ook in sy besluitneming met advies bygestaan met die bestuursinligting as vertrekpunt.
Die opstel van die kontantvloeibegroting behels:
- Die berekening van meganisasiekoste;
- Die bepaling van vertakkingswinste;
- Die ontleding van elke vertakking se sensitiwiteit ten opsigte van prys en hoeveelheid;
- Die behoefte aan produksiekrediet vir die betrokke produksiejaar.
Die produksiejaareindstate word saamgestel uit:
- Die boer se werklike finansiële resultate, soos gemeet oor die produksietydperk wat sy hoofvertakkings die beste pas;
- Die ontleding van elke individuele vertakking se winsgewendheid;
- Die vergelyking van die boer se eie resultate met dié van sy betrokke streek se gemiddeld, beste en ook swakste derde;
- ‘n Vergelyking van die boer se huidige resultate met dié van vorige jare.
Die verskaffing van advies aan die kliënt behels:
- Die voorsiening van selfgenererende verslae saam met die kontantvloeibegroting en die produksiejaareindstate;
- Die bespreking van die resultate van bogenoemde verslae met die kliënt op aanvraag van die kliënt;
- Die beskikbaarheid van COMPUTUS se kundiges vir ad hoc konsultasies teen normale tariewe.